陸陸雞煲火鍋 (已結業)

一個地方，兩個享受！又雞煲又打邊爐！而且環境仲要好舒服！正！朋友係海鮮控，見到呢個set流哂口水！說實在，咁多海鮮，呢個價錢，抵食喇！咁就決定叫呢個喇！佢仲好貼心咁提示要煮幾耐添！上：凍螺係前菜！洗得乾淨又新鮮，爽口㗎！下：雞煲好多香料，亦可以選擇辣度，有個店員幫我地攪掂哂，完全唔洗自己出手，一打開蓋果吓香到呢……而雞件都大大啖肉，雞味都好夠！香口惹味！加一碗飯絕對可以當完成一餐，但當然我要留肚食海鮮喇！食完雞煲就會立即換上龍蝦湯，龍頭好大隻呀！湯底都非常濃郁！打邊爐嘅配料放到成枱都係！有蔬菜，雜菇，魚皮，響鈴……等等！當中要留意嘅就係牛肉同餃子！牛肉切得比較厚一些，牛味很濃！我非常喜歡！餃子係有4款，每款都細細粒，可以食多個口味，啱哂女仔！當中有一款係有木耳的，餡料係黃金比例，爽口又丰富！重點當然係海鮮盤喇！每款都有2至4件，樣樣都一定會試到！用龍蝦湯淥熟海鮮，鮮上加鮮！當中以飽魚最得我心！咬落去香軟無比，一啲都唔痴牙！口感係似食緊米糰，諗返都回味呀！而貴妃蚌就係當日第二最愛，好大隻好鮮味，好滿足！其他海鮮都係水平之上，食呢餐可以講係超值！下次叫多啲朋友一齊去先得！