I Leisure (已結業)

酒吧食小龍蝦同海鮮包好少見，媽咪想食小龍蝦好耐，就帶佢一試。酒吧環境好好，好有氣氛，有ping pong game table同飛鏢機，如果一班朋友黎會更加正。海鮮包（5款海鮮）$558我地選左鮑魚、帶子、蜆、蝦同青口。馬來西亞既辣汁好惹味，食得出有蒜香味仲有牛油香，係有層次既辣味，就算我地叫小辣都夠。靚仔侍應會係我地面前shake個海鮮包，視覺同味覺雙重享受。我覺得配菜係畫龍點睛，特別係粟米，除左辣仲多左入清甜。麻辣小龍蝦（二人同行附送，原價$188）呢個其實先係我地最期待，果然唔錯。佢既麻辣，係令人停唔到，愈食愈辣，但又好想繼續食個種。佢都幾易剝，蝦肉輕輕一扯就會同殻分離，而且蝦肉唔會一咬即散。德國豬手$198除左海鮮，酒吧咁好氣氛，仲叫左德國豬手，同媽咪chill下。德國豬手分量唔少，而且香口，不過如果再控制下火喉，炸少返d時間，肉汁會更鮮嫩。