一豚豬手專門店 (已結業)

成日煮飯煮到好攰，今日決定休息一天，係屋企附近買外賣番去食，見到太安樓新開左一間豬手專門店就決定試吓，除咗豬手之外仲有東坡肉，滷水雞翼，滷水豬腸，豬頸肉牛筋等。我哋就買咗招牌黑椒豬手同大阪燒脆腩。招牌黑椒豬手店員即場切好一件件放入盒，成條骨都可以俾我哋帶返屋企，豬手外皮煙韌可口，肉質軟林，味道不會太鹹，加上黑椒更加惹味。大阪燒脆腩圓轆轆10分可愛，脆腩肥瘦適中，中間有層脂肪，但入口不會覺得太油膩，外皮燒到煙煙韌韌比較香脆。