肉骨皇 (已結業)

好耐之前都黎過大坑呢間餐廳食，佢地既肉骨茶同海南雞都好好食。但今次黎到就決定叫d平時冇點叫過既黎食。❤️肉骨茶 淨湯怕叫成個肉骨茶會食唔落其他野，所以就淨係叫左淨湯黎飲。湯依然濃郁，好重葯材味，不過今次飲落偏咸小小但亦唔會口渴🤣❤️馬拉盞炒蘿蔔糕蘿蔔糕食落唔會好粉，算多蝦米，幾好食。用馬拉盞炒更惹味，但唔會太濃味。❤️馬拉盞炒椰菜苗菜食落冇平時食到既甘苦澀，又夠爽脆。加上馬拉盞炒，好夠香味。不過略嫌份量小左d，如果多d就好😂❤️螄蚶喇沙喇沙偏辣味，湯亦濃，偏咸小小。麵底要左摻摻，姐係油麵加米粉，口感豐富好多！螄蚶份量都多，亦十分爽口。❤️凍薏米水❤️桔仔酸梅水