小魚兒 (富麗花園) (已結業)

屋企附近開左呢間小魚兒都一段時間。最近天氣熱，無咩胃口，今日想食辣，一於試吓新嘢。人氣蟲草花膠雞煲 ($328)全隻。我地揀咗小辣。花膠同蟲草嘅份量好多，隻雞都唔細隻。花膠口感係淋嗰種，都幾厚肉。雖然滾起一陣就夾嚟食，但係非常入味。雞肉幾滑，煲入面有芫荽、葱等等..非常惹味。而廚房斬雞嘅刀工幾好。因為出面食雞煲，最怕食到碎骨。呢到就無呢個問題。食到咁上下仲可以加湯做火鍋 。睇返餐牌，原來仲有烤魚同串燒。呢到坐位寬敞，冷氣又夠。食物種類又多，下次可以再嚟呀。