平成 (已結業)

同朋友去尖沙咀食lunch,經過呢間小店，見到佢咁和風既門面比佢吸引住，發現呢度係食丼飯既，覺得幾吸引，就決定入去試下！店入面既地方唔大，感覺好似日本啲小店咁，好溫馨。呢到就係專食丼飯既，我地點左兩款唔同既牛肉丼飯。第一款係海量蔥溫泉蛋牛肉丼，丼飯上面有滿滿既蔥同埋牛肉，牛肉肉味香濃，牛質嫩滑！啲牛肉汁撈埋啲飯一齊食真係好惹味啊！另一款丼飯係三層火山芝士燒咖哩牛肉丼，聽個名都好架勢啊，食落去就更加好味。估唔到芝士同埋咖哩都幾夾，咖哩好惹味，而芝士就好濃郁，配埋juicy既牛肉，好滿足啊！另外，我地仲點左啲特飲，包括呢個巨峰提子乳酸，唔錯！另外，仲有呢個百香果乳酸，酸酸甜甜，好refreshing同開胃！