更多
2020-01-12
21 浏览
朋友想食泰國菜今日佢介紹我嚟到呢度食船面,呢度裝修簡約得來帶點傳統風味,入到黎坐低座位都幾寬闊坐得幾舒服。我叫咗個船湯雞髀肉金邊粉,朋友叫咗個冬陰功湯肥牛金邊粉。我嘅雞俾肉金邊粉仲有兩粒魚蛋同埋炸豬皮喺度,餸菜嘅份量都好足,船湯嘅味道香濃又唔會太過鹹。而冬陰功湯嘅酸辣到適中,肥牛同樣都有好多片,仲有秋葵、蝦、青口、蟹柳做配菜非常豐富。小食我哋叫咗個泰式炸蝦餅,外層炸得好香脆咬落仲好彈牙,另外仲同有兩片大大塊嘅蝦片。飲品嗌左香茅斑蘭梳打,原支泰式梳打俾我哋自己加,落去感覺更加有風味,加埋都有兩杯嘅份量抵飲又好飲。
张贴