星怡 (已結業)

尖沙咀isquare其實除左有戲院之外，仲有唔少正既餐廳架！ 想搵一個坐得舒服、價錢相宜嘅地方，《星怡》係一個幾正既選擇。佢地主打新加坡菜式，梗係要試返啲名物喇！🍴✨《麥皮大虎蝦》我鍾意嘅食法係用口剝蝦殼（蝦殼入曬味，係精華所在），拎出爽口彈牙嘅大虎蝦蝦肉，再將蝦肉沾滿蒜香麥皮先食，口感一流。麥皮蝦其實係新加坡嘅名菜，好開心可以喺度食番呢個味道！🍤《班蘭咖央多士》🍞🤤係我每次食星馬菜都一定會試嘅菜式！用心位係兩片麵包嘅底面都烘過，所以咬落更加脆口。果塊軟滑既厚切牛油同清香既斑斕醬係絕配，為咗呢個多士，我願意跑多幾圈架！《娘嘢炒蘿蔔糕》好惹味，甜甜辣辣加埋蛋香，係會食唔停口果種，咬開會食到啲蘿蔔粒，呢個真心要叫呀！🍴🌶️🍳《鮮蝦喇沙》佢哋選擇咗用油麵做麵底，可以更加好咁樣沾上濃郁嘅喇沙湯汁，喇沙湯偏辣，有少少嘅椰香味。🍜🍤🥚🌶️餸方面有鮮蝦、芽菜，仲有半隻溫泉蛋架！