煮打菜打冷小菜館 (已結業)

放工時剛好有時辦就在這個有眾多平民食店的筲箕灣，睇睇除了東大街一帶 其他地方有咩好食 就找到這間人氣頗高的煮打菜打冷小菜館來一嚐究竟～睇睇menu, 佢除左潮式菜 另外又有其他中西混合小菜小炒等等 仲有雞煲 啱晒鐘意咩都試既人～先黎個菜～魚湯野菌什菜煲：魚湯鮮甜，什菜鮮嫩翠綠，加上野菌令其添上陣陣的野菌香，而什菜和粉絲吸滿魚湯精華，簡直一絕。呢個以賣相取勝！鬼馬炸蟹棗：外皮炸到香脆非常，內裡仍能保持肉汁，口感是彈牙非常。蠔仔肉碎粥（碗）：蠔仔新鮮大隻飽滿，份量很多，令其每口粥都能品嚐粥蠔仔的鮮味。蜜椒薯仔牛柳粒：重點推介！！！香甜可口，薯仔雖則外皮被一種像焦糖般香脆的外皮包裏著，但其內心仍能保持著自身的粉嫩質感，而牛柳粒生熟到恰到好處，肉質嫩滑。 鹵水拼盤（細）：來到打冷店，當然要一試鹵水拼盤，這裡的拼盤種類繁多：包括了紅腸，層次分明的豬腩肉，爽脆的豬耳，生腸，鵝腸，還有墨魚和腎，而這麼多種的食物唯一的共通點就是全都入味非常。