財記辣蟹私房菜

营业中

休息中

蒜蓉蝦干蒸勝瓜❤一黎到見到滿滿既蒜蓉，非常之香口!! 食起黎一D都唔膩，蝦干帶有鹹香鮮甜，送飯之選。勝瓜香脆鮮甜唔苦澀，而且底下仲有D粉絲，一D都唔乾身仲好入味，夠哂軟腍惹味!上湯什菜煲😘幾款蔬菜，例如娃娃菜 菜心 西蘭花等等。仲有D魷魚同爽身既粉絲，2個人share就岩岩好! 湯頭夠清新，食起黎零負擔。魚湯浸九肚魚🤓濃濃既魚湯，九肚魚入口一D都唔腥，中意重口味既就岩哂! 肉質非常嫩滑，味道鮮美，夾埋湯入面既粉絲食，好滿足!麻辣手撕雞😎主要既醬汁係麻醬，味道係幾特別，手撕雞唔嚡口，肥瘦岩岩好，而且底部仲有滿滿既爽口青瓜條，感覺冇咁邪惡。