台灣館 (已結業)

咁大雨放工都係附近拿拿臨食個飯返屋企，就去左得寶商場搵野食，原來呢度都幾多野食，最後揀左呢間~台灣館~。呢度個店員姊姊熱情有禮貌，盡力滿足客人要求👍。行過聞到啲小炒好香好吸引，自己又想食多啲菜，終是叫左四季豆同小炒王，兩個餸餸飯一流。XO 醬四季豆炒肉片四季豆又嫩又爽口，肉片又腍又入味。招牌小炒王 小炒王配料豐富，韮菜花、蝦米、腰果、菜脯，仲有彈牙既魷魚，正。叫左兩杯珍珠奶茶，草莓味同香芋味，色彩繽粉，甜味適中，裏面啲珍珠煙煙靭靭好咬口。