影片
更多
2021-09-17
21 浏览
平時係尖沙咀相約飯局，選擇往往離唔開放題或者西餐廳，老實講食得多都覺得有啲厭。最近係THE ONE一條馬路之隔開咗間小菜店，早段時間仲有點心提供，係尖沙咀旺區中心地帶實屬難得，而且仲係新開張外觀非常新淨企理，咁多誘因當然要試一試👍餐廳新開張當然新淨舒服、乾淨企理。座位大部份以卡位形式，自然坐得舒適又可以自成一角食餐飽傾餐飽👍餐廳設有大量舊式香港相片，展出當時香港面貌。甚至啤酒亦以玻璃「戰鬥碗」作為器皿，貫穿主題👍🌟 紅燒BB鴿 $58飲得啤酒當然要叫返香口菜式送酒，乳鴿係我一樣好鐘意嘅選擇。金黃色紅燒BB乳鴿新鮮熱辣呈上，上到枱時散發出油香。乳鴿皮脆肉滑，Size都算足夠，咸香味道適中，作為小食的確唔錯👍🌟 豉椒炒蟶子皇 $68/隻豉椒香氣氛香撲鼻，蟶子皇Size夠哂份量。放入口中口感爽滑彈牙，味道鮮甜味美，並且食落沒有任何沙石雜質，可見餐廳事前功夫處理得非常乾淨👍🌟 豉椒味菜鵝腸 $138正所謂一不離二，鐘意濃烈惹味嘅我哋再叫多款豉椒味菜鵝腸。豉椒味同樣出色，味菜酸味恰到好處，兩者配搭天衣無縫。鵝腸同樣清理得乾淨無異味，入口爽滑脆口，就連配料同樣煮得非常惹味，好味到成碟清光👍🌟 黑椒
平時係尖沙咀相約飯局，選擇往往離唔開放題或者西餐廳，老實講食得多都覺得有啲厭。最近係THE ONE一條馬路之隔開咗間小菜店，早段時間仲有點心提供，係尖沙咀旺區中心地帶實屬難得，而且仲係新開張外觀非常新淨企理，咁多誘因當然要試一試👍
餐廳新開張當然新淨舒服、乾淨企理。座位大部份以卡位形式，自然坐得舒適又可以自成一角食餐飽傾餐飽👍
餐廳設有大量舊式香港相片，展出當時香港面貌。甚至啤酒亦以玻璃「戰鬥碗」作為器皿，貫穿主題👍
🌟 紅燒BB鴿 $58飲得啤酒當然要叫返香口菜式送酒，乳鴿係我一樣好鐘意嘅選擇。金黃色紅燒BB乳鴿新鮮熱辣呈上，上到枱時散發出油香。乳鴿皮脆肉滑，Size都算足夠，咸香味道適中，作為小食的確唔錯👍
🌟 豉椒炒蟶子皇 $68/隻豉椒香氣氛香撲鼻，蟶子皇Size夠哂份量。放入口中口感爽滑彈牙，味道鮮甜味美，並且食落沒有任何沙石雜質，可見餐廳事前功夫處理得非常乾淨👍
🌟 豉椒味菜鵝腸 $138正所謂一不離二，鐘意濃烈惹味嘅我哋再叫多款豉椒味菜鵝腸。豉椒味同樣出色，味菜酸味恰到好處，兩者配搭天衣無縫。鵝腸同樣清理得乾淨無異味，入口爽滑脆口，就連配料同樣煮得非常惹味，好味到成碟清光👍
🌟 黑椒牛仔骨 $108餐廳處理濃郁菜式水準的確要讚，多款菜式味道控制得濃而不鹹，實屬難得。黑椒牛仔骨同樣滋味，牛仔骨肉質軟腍，但食落不失牛肉味，而且咬落無筋，自然食得開心。黑椒醬汁濃香味美，微辣中帶少少甜味，食唔停口👍
🌟 金沙黃金蝦 $188金沙黃金蝦以海中蝦油炸至外殼金黃香脆，再配上流沙咸蛋黃而成，真正色香味俱全。黃金蝦外殼經過高溫油泡後可以直接連殼食，咬落卜卜香脆，而且蝦身肉質爽彈。加上濃郁咸蛋黃咸香惹味，咸度適中唔會過鹹，送飯一流👍
🌟 豉油皇炒麵 $68愈簡單菜式往往愈考廚師功夫，此道豉油皇炒麵正正反映出廚師功力。首先炒麵炒得非常乾爽唔油膩，而且餐廳所用到麵條較幼細，令到麵條更容易散開分明。加上大量芽菜，韭菜，洋蔥等等配料炒至濃香美味亦令到炒麵生色不少，高度推薦👍
张贴
