鼎王麻辣鍋 (金巴利道) (已結業)

無去台灣幾年，掛住台灣嘅味道。上網搵到呢間台灣過江龍好似幾吸引，最正係可以90分鐘內無限fill湯料，麻辣鍋加鴨血同豆腐，酸菜鍋就加酸菜。 鼎王麻辣 (小辣) + 酸菜白肉(中酸)湯底我哋揀咗鴛鴦鍋，一次過試晒兩隻唔同嘅湯底。麻辣鴨血同豆腐上枱個陣已經好入味，又厚切，愈滾愈香口。店員介紹鴨血仲係台灣直送。酸菜切絲，容易入口，滾完麻辣鍋食返啖酸菜可以解辣同膩。日本黑豚腩肉腩肉肥瘦分明，擺盤仲好靚，輕輕滾幾下已經索飽晒湯汁，大滿足。牛舌原來全部肉類擺盤都幾用心，牛舌嘅牛味香濃，夠晒爽脆，幾秒就食得。台灣直送老油條麻辣湯底配油炸鬼，正，最鍾意係滾幾下就起，外淋內脆又爆汁。不倒翁拉麵有咁惹味嘅湯底，真係忍唔住想淥返個麵，啲面簡直係吸晒所有精華。