哈比斯燒肉串和咖哩 (利景閣)

营业中

休息中

記得食得最多呢隻卷嘅唔係印度而係深圳，成日返深圳東門行街嗰陣時候都會有呢一隻食，但這唔係卷而係用嘅荷包型的中式包包住啲肉。而肉類就淨係會有豬肉揀，係冇羊肉。返到嚟香港之後其實有好幾次都想食呢一隻，但係講真係香港並不容易見到，之前通常就會喺灣仔嘅酒吧街見到，但係都唔會特登入去食。而家原來天后有呢一間，想外賣又得。堂食又得，其實都好方便。多左好多機會食到。呢度嘅卷真係比內地嘅好食得多，先唔講佢個味道。講一講佢個樣，切開入面顏色色彩繽紛，有菜，有番茄，有洋蔥近，仲有大量嘅羊肉，超豐富。講到味道，好強烈的羊味，好香，但無羶嘅味道，很容易入口。而且肉質肥瘦均勻，軟熟。其實有好多人對印度野都好抗拒，好唔鍾意佢嗰陣味道。但係其實印度野都有佢好嘅地方，特別係我最鍾意食嘅咖喱角，大家不妨試下。