鴻啤啤串燒 (已結業)

今晚同朋友去咗尖沙咀食日式串燒，叫咗八碟餸同兩支啤酒🍻。係八碟餸入面，我最鐘意係燒牛舌芯同燒五花腩。牛舌芯同五花腩燒得啱啱好🥓，肉質鮮嫩、多汁。大葱和牛粒和牛燒得軟韌適中，葱香味亦夠濃，令人齒頰留香。至於個燒三文魚鯺，魚肉細膩嫩滑。同樣係海鮮嘅清酒花蛤，用料新鮮，酒味香濃，同花蛤配搭味道恰好。至於個芝士年糕，燒得熱辣辣，內裏嘅流心芝士🧀咬一口後瞬間溶化, 令人一吃暖在心頭。另外個蟹柳麻醬烏冬，味道香甜，烏冬韌度適中，食落爽口，而我覺得餐廳食物最大特色莫過於即使餸菜簡單如燒茄子🍆，都能夠以蒜蓉等簡單配料將餸菜燒得香濃入味。所以餐廳絕對係高質嘅串燒店！！😋😋