影片
更多
2021-09-08
17 浏览
夏天無得戶外燒野食係差咁啲 嚟到荃灣覓食 見到串燒店 即刻🦮沖入去入到去 成個店俾我感覺完全唔似串燒店 雖然店面唔大 但完全唔會坐得辛苦 一入門口 有張枱做到好似bar枱咁 係到食串燒都咪話唔chill一坐低 店員已經俾咗兩張menu我地自己tick 一張係for酸辣粉 一張for串燒涼拌同炸物先講酸辣粉 酸辣粉可以自選湯底 鐘意麻多過酸可以揀少麻多酸 總之鐘意咩就乜 鐘意乜就咩 咁我就揀咗少麻少酸嘅 配菜方面揀咗豆卜 豬腩肉 酸辣粉面頭有成堆炸花生 my飛佛 腩肉肥瘦適中 因為係薄切 唔會覺得好韌 而米線係偏幼身個隻 唔會太淋 亦十分掛湯 湯底方面麻辣味再加強會更惹味涼拌方面就嗌咗酒雞卷 雞卷一共有4件 個人認為份量偏少 雞卷肉質唔算十分嫩 而味道方面 酒味十分夠 但完全唔會蓋過雞原本嘅味串燒方面 總共嗌咗蒜燒生蠔整場mvp 好食程度有50個like 太耐無食生蠔 見到啱啱燒起嘅生蠔真係好感動 蠔上面一大推蒜 成啖啪落口 om豬 世界級燒牛舌心牛舌心相對比較淋 啱曬無乜牙力嘅我 而且越食牛香味就慢慢湧出嚟 絕對可以encore燒雞軟骨一串大概有6-7粒 粒粒都係軟骨 無一粒係雞肉扮軟
入到去 成個店俾我感覺完全唔似串燒店 雖然店面唔大 但完全唔會坐得辛苦 一入門口 有張枱做到好似bar枱咁 係到食串燒都咪話唔chill
一坐低 店員已經俾咗兩張menu我地自己tick 一張係for酸辣粉 一張for串燒涼拌同炸物
先講酸辣粉 酸辣粉可以自選湯底 鐘意麻多過酸可以揀少麻多酸 總之鐘意咩就乜 鐘意乜就咩 咁我就揀咗少麻少酸嘅 配菜方面揀咗豆卜 豬腩肉
酸辣粉面頭有成堆炸花生 my飛佛 腩肉肥瘦適中 因為係薄切 唔會覺得好韌 而米線係偏幼身個隻 唔會太淋 亦十分掛湯 湯底方面麻辣味再加強會更惹味
涼拌方面就嗌咗酒雞卷 雞卷一共有4件 個人認為份量偏少 雞卷肉質唔算十分嫩 而味道方面 酒味十分夠 但完全唔會蓋過雞原本嘅味
串燒方面 總共嗌咗
蒜燒生蠔
整場mvp 好食程度有50個like 太耐無食生蠔 見到啱啱燒起嘅生蠔真係好感動 蠔上面一大推蒜 成啖啪落口 om豬 世界級
燒牛舌心
牛舌心相對比較淋 啱曬無乜牙力嘅我 而且越食牛香味就慢慢湧出嚟 絕對可以encore
燒雞軟骨
一串大概有6-7粒 粒粒都係軟骨 無一粒係雞肉扮軟骨 正爆
燒雞腎
雞腎剪到細細粒再燒 十分易入口 但口感偏韌
燒墨魚嘴
本場黑馬 雖然港女影相搞到墨魚嘴凍咗少少 但依舊咁juicy 真係要食多兩嘴先得
蒜燒茄子
本場最抵食 50有找 大大支 仲要！極級爆多蒜
燒翠玉瓜
翠玉瓜都燒到啱啱好 唔會太淋又唔會太生 三大舊 件件都厚切
牛油粟米
好想俾個獎俾呢個塞米 但獎就係得3個 唔夠分 第一啖食都無乜野 越食越香 個調味調得啱啱好 真係食完又會想食
燒菠蘿
又係必嗌之一 燒菠蘿都食得多 咁甜咁juicy真係第一次食 食到飽飽地 食啖菠蘿就啱曬
整體嚟講 呢間真係滿足到熱死辣辣又想燒烤嘅人嘅心 唔洗自己燒仲要咁高質 咁當然啦 食到最後會發現食極都係差唔多嘅味 就係 孜然味 如果口味上面有多啲變化 咁就照顧到多啲食客仔嘅需求啦 同埋食到最後發覺呢間店好醒 因為有酸辣粉 酸辣粉好快就會上枱食得 咁係食嘅過程等住啲串燒 唔驚餓住個food baby啦
张贴
