烏龍燒 (已結業)

旺角白布街出名多野食，甜品、邊爐同串燒都好受追捧，甜品同邊爐都食唔小，串燒反而未試過！串燒包羅萬有，蔬菜、肉類、丸類、海鮮、小食都有！仲有特色飲品，有冬瓜檸檬沙冰同腐竹糖水沙冰，兩個都從未試過！今次就試左冬瓜檸檬沙冰先台式飲品店既冬瓜茶都偏甜，呢杯加左檸檬，酸味中和左甜味，酸酸甜甜好清新，飲一啖透心涼🥶串燒首先一定要食牛！呢個係海鹽雪花牛小排，牛味香濃又好多肉汁😋串燒羊肉、雞軟骨同魚腐，雞軟骨唔只得骨，中間夾著雞肉，食落又軟又爽，口感豐富。蔬菜類無燒得過乾，茄子同冬菇好juicy👍🏻串燒叉燒肋排粒，呢個似金沙骨，表面燒成金黃色，有光澤，肥瘦均勻！餐蛋串串，餐肉同蛋永遠都係完美嘅配搭，餐肉燒至表層香脆，蛋內裡依然滑身。粟米好清甜，再加上蜜糖再添一份甜味。燒鹿兒島豚肉串，肉味濃又嫩🥰燒菠蘿非常清甜，份量好多！焦糖香蕉好多焦糖😍配埋nutella同朱古力醬，好夾！最後餐廳仲送上甜品，好養生，有桃膠，木耳絲同杞子，好足料！臨走見倒宵夜時段仲有優惠，食宵夜又多個選擇喇！