備長

营业中

休息中

黎到銅羅灣東角附近見到備長單張幾吸引，同男友決定上去試試。呢到既環境氣氛唔錯，禁岩見到有人生日店鋪會為佢播放生日歌慶祝🙌🏻食物方面首先點左 - 鰻魚串燒非常惹味，鰻魚汁香濃，鰻魚燒到表層脆脆的，內層卻軟綿細滑，無骨，口感極佳。鵝肝大塊 ，賣相好靚，鵝肝煎到好香口，油潤豐腴，加上多士同黑醋汁吃，只吃一件，完全唔夠喉😥之後見每期都有唔同既食物做緊$10優惠，禁岩今日店家招牌豬肉荔枝卷$10，當然唔執輸即叫🙈豬肉荔枝卷超級JUICY, 荔枝肉非常多汁!!! 豬肉燒到脆脆的，真係燒得好巧妙👍🏻冬菇 好新鮮好香,唔會燒到好乾，算係幾juicy,唔錯。我最愛既串燒-免治雞肉軟骨棒，店鋪將軟骨混入免治雞肉中，啖啖嫩滑既雞肉食落又有咬口感，內裏多汁，店家付上一隻溫泉蛋，將雞肉軟骨棒沾滿蛋黃汁，口感更滑更美味，呢個必點👍🏻👍🏻美國安格斯牛柳- 叫左5成熟，牛肉味香濃，肉質鮮甜，5成熟食落突別嫩滑。海膽炒飯上鋪滿一整排既海膽，分量比相像中多，炒飯唔會太油，粒粒分明，炒飯配上鮮甜既海膽，非常好吃。