串爆 (已結業)

今日同朋友係旺角行街，見到呢間麻辣串串店幾吸引，朋友又鍾意食辣，所以入咗去食。放題價錢分三個時段，我地食13:00-19:15幾抵食，$138食兩小時，飲品放題加$22。連串嘅選擇都唔少，亦有其他小食和面類。飲品方面我地都揀左解辣既椰汁。棒棒雞同麻辣豬紅有驚喜，棒棒雞即係麻醬青瓜雞絲，麻醬夠濃味之餘，雞肉亦幾滑。麻辣豬紅個湯底好惹味好香，豬紅本身質地亦都好好，咬落去有汁好Juice。串串鍋我哋叫咗BB辣，開始食唔係太辣，但會愈食愈辣。串串入面最欣賞麻辣牛肉，牛肉本身醃味好香，好似有d香草味，再加埋湯底既麻辣，好食！麵食我地叫左肥腸麵，豬大腸正常發揮，白色麵條很幼，帶點煙韌，唔會過軟。甜品仲有我最鍾意既冰粉，又甜又冰涼，非常解辣。另外值得一提，店員嘅服務態度好好，見我地隨身物品較多，主動拎左個籃俾我地放袋，每次幫我地加添串串，都好好禮貌。