影片
更多
2016-08-27
1257 浏览
家人生日，見剛剛裝修好既奧海城「陶源酒家」開張無耐決定黎試一試！一直以黎覺得陶源既收費同定位都係處於中上之列，心諗食物同服務應該唔會差得去邊啦，點知真係大失所望！1) 訂枱篇：想食既「珍饈百味宴」喺單張上寫明要預先訂位先有得食，所以決定一早打去啦，本來聽電話位亞姐都冇乜野，但當我話要食果個餐之後居然即刻cut我線，有冇搞錯！雖然話唔係D乜野好貴既野但都要成$2088半席，之後我再打返電話返去同佢confirm要果個餐既時候態度重要一百八十度轉變添，有意無意間重問我係咪「真係要食呢個咁平既餐？冇乜野好食喎！」，真係好受氣！2) 調味料篇：我一般既認知係除左打邊爐之外，調味料唔係應該跟返果碟餸，喺上枱時俾埋你既咩？但呢度竟然係一開始就大堆頭有理冇理俾晒你先。當你問究竟邊樣調味料係俾邊碟餸既時候，亞姐只係求其估估下隨便亂指就算，真係搞到我地成枱人哭笑不得！3) 乳豬篇： 叫做全晚比較可接受既一道菜，可惜每件既size實在大得驚人，幸好當晚有帶私家鉸剪「一開三」，否則大到完全放唔到入口！4) 埋單篇：講到明半席星期六收費$2088包茶芥同酸菜另收加一，但埋單既時候居然有意無意之間另收我每位$1
1) 訂枱篇：想食既「珍饈百味宴」喺單張上寫明要預先訂位先有得食，所以決定一早打去啦，本來聽電話位亞姐都冇乜野，但當我話要食果個餐之後居然即刻cut我線，有冇搞錯！雖然話唔係D乜野好貴既野但都要成$2088半席，之後我再打返電話返去同佢confirm要果個餐既時候態度重要一百八十度轉變添，有意無意間重問我係咪「真係要食呢個咁平既餐？冇乜野好食喎！」，真係好受氣！
2) 調味料篇：我一般既認知係除左打邊爐之外，調味料唔係應該跟返果碟餸，喺上枱時俾埋你既咩？但呢度竟然係一開始就大堆頭有理冇理俾晒你先。當你問究竟邊樣調味料係俾邊碟餸既時候，亞姐只係求其估估下隨便亂指就算，真係搞到我地成枱人哭笑不得！
3) 乳豬篇： 叫做全晚比較可接受既一道菜，可惜每件既size實在大得驚人，幸好當晚有帶私家鉸剪「一開三」，否則大到完全放唔到入口！
4) 埋單篇：講到明半席星期六收費$2088包茶芥同酸菜另收加一，但埋單既時候居然有意無意之間另收我每位$12蚊既茶錢，當我問返佢地既時候重要好串咁話「係呀，要收架，乜你唔知咩？」。到我即時攞門口張單張俾佢睇既時候，佢先死死地氣幫我改返張單，態度真係急需改善！總括黎講，以差唔多成$400一位既晚飯價錢，但只提供俾大排檔重要差既服務真係不可接受！特別值得一提既係好似「米蘭焗釀鮑魚」但其實只係鮑魚絲、同埋「極品宮廷雞煲翅」但其實只係普普通通既魚翅之類果D華而不實、甚至有點誤導成份既菜名真係好欺騙觀眾！試問一間收費絕對唔平、服務又差同埋菜色質素只係below average既餐廳又點可以喺一個靠做街坊生意為主既地區站得住腳？
张贴
