博多拉麵別天神 (已結業)

別天神拉麵呢個名聽過好多次，今日經過緊係要試一試。門口有部自助點餐機，好似日本拉麵店咁，可以八達通或信用卡都得。見套餐有小食好似抵食啲，就同朋友一人叫左一個套餐。+別天神套餐（豚骨拉麵&小龍蝦蟹子沙津）豚骨拉麵既湯底豬骨味特濃，好香真係忍唔住飲返幾啖。拉麵比較幼身，食落更爽口，唔會好冧。個龍蝦蟹子沙津真係大大力推介，有龍蝦肉，仲彈牙架！仲有小小芥末味+蝦味噌豚骨拉麵套餐配餃子4隻蝦味噌湯底比豚骨湯底濃郁更有鮮蝦味， 唔肥膩飲多兩啖都唔驚一般拉麵店都係半隻既溏心蛋，但呢間小店有一隻溏心蛋，蛋黃真係有溏心gel既口感，正！