影片
更多
2025-04-11
116 浏览
📍地理位置：屯門西鐵站一出閘就見到，超級方便！不過要提提大家，放學同收工時間真係好多人排隊，想食就要預早少少或者避開peak hour啦～好彩店員手腳好快，就算排隊都唔算等好耐🙏🏻🍓士多啤梨泡芙 ($31)今次嗌返佢哋嘅招牌士多啤梨乳酪泡芙，一咬落去，外皮鬆脆得嚟帶少少煙韌，入面嘅乳酪一貫好滑身，加埋新鮮士多啤梨果肉，酸酸甜甜好開胃！乳酪嘅微酸同士多啤梨嘅甜味平衡得啱啱好，食完成個都唔會覺得膩，耐無食一排食返一定會揀呢隻味。 🎂優惠情報：同埋原來生日當日可以免費換領一個原味泡芙，真係今日先見到😂雖然我今次唔係生日，但見到咁啱有人換，生日優惠個泡芙都一樣咁大個，生日出開街經過記得要換返粒嚟開心下！🔥期間限定：阿華田泡芙 & 熱吉士泡芙今期新出咗阿華田口味，朱古力迷應該會好鍾意，聽講入面仲有流心阿華田醬，下次一定要試！另外仲有熱吉士泡芙，早排凍啲食應該好正，暖笠笠嘅吉士醬配脆皮，啱曬想食熱野個陣嗌🫶🏻🌟總結：西樹泡芙真係食左好多年，款式多又成日有新嘢試，價錢算ok，質素又穩定。如果唔想排隊，可以揀平日晏晝去，人流少啲，同埋唔驚比前面買曬心水口味😛
屯門西鐵站一出閘就見到，超級方便！不過要提提大家，放學同收工時間真係好多人排隊，想食就要預早少少或者避開peak hour啦～
好彩店員手腳好快，就算排隊都唔算等好耐🙏🏻
🍓士多啤梨泡芙 ($31)
今次嗌返佢哋嘅招牌士多啤梨乳酪泡芙，一咬落去，外皮鬆脆得嚟帶少少煙韌，入面嘅乳酪一貫好滑身，加埋新鮮士多啤梨果肉，酸酸甜甜好開胃！乳酪嘅微酸同士多啤梨嘅甜味平衡得啱啱好，食完成個都唔會覺得膩，耐無食一排食返一定會揀呢隻味。
🎂優惠情報：
同埋原來生日當日可以免費換領一個原味泡芙，真係今日先見到😂
雖然我今次唔係生日，但見到咁啱有人換，生日優惠個泡芙都一樣咁大個，生日出開街經過記得要換返粒嚟開心下！
🔥期間限定：阿華田泡芙 & 熱吉士泡芙
今期新出咗阿華田口味，朱古力迷應該會好鍾意，聽講入面仲有流心阿華田醬，下次一定要試！
另外仲有熱吉士泡芙，早排凍啲食應該好正，暖笠笠嘅吉士醬配脆皮，啱曬想食熱野個陣嗌🫶🏻
🌟總結：
西樹泡芙真係食左好多年，款式多又成日有新嘢試，價錢算ok，質素又穩定。
如果唔想排隊，可以揀平日晏晝去，人流少啲，同埋唔驚比前面買曬心水口味😛
张贴
