⭐️ D24榴槤梳乎厘
我哋揀咗三件嘅，一上枱就聞到好香嘅榴槤味🤤！淋咗好多榴槤醬，上面仲有榴槤肉點綴，真係好足料！梳乎厘食落鬆軟綿滑，榴槤味又夠濃郁，正呀👍！
️
⭐️ 黃金布丁燒牛角包窩夫
呢個賣相真係幾得意，牛角包加咗支木叉，好似雪條咁！面頭淋咗布丁味嘅醬，再燒過，令到牛角包窩夫面有層焦糖，好吸引！牛角包窩夫食落鬆化，甜甜地嘅醬已經好好食，加埋個頂嘅焦糖脆脆，更加豐富咗個口感😋！
⭐️ D24 榴槤牛乳雪糕
牛乳雪糕好香滑，雪糕面淋咗啲榴槤醬，味道好夾！最有驚喜嘅係無論杯面定杯底都有榴槤肉，啖啖都食到榴槤，好滿足😋！
甜品都幾有水準，用料又足，鍾意食甜嘢嘅朋友可以去試吓！
