Mr. Crab by The Captain's House (已結業)

自己本身好鍾意食海鮮，但係因為皮膚敏感唔夠膽成日食！見近排皮膚敏感情況有好轉，即刻約埋閨蜜食海鮮🐟🦐🦞閨蜜上次同佢老公食過Mr. Crab by The Captain's House覺得唔錯，所以帶咗我嚟食😊我哋叫咗個二人套餐，有前菜、海鮮shake shake袋、飯或者意粉，仲包兩杯紅酒或者白酒👍🏻海鮮shake shake袋：之前喺泰國夜市見到已經好想試，我哋揀咗小龍蝦🦞、馬尼拉蜆同八爪魚仔🐙， 除咗海鮮之外仲有香甜粟米🌽、腸仔粒同小薯仔🥔作為配菜，配上勁香蒜味嘅Mr.Crab Cajun Sauce，香辣中帶微甜，醬汁非常惹味！好味到想要碗白飯撈汁❤️❤️蒜香蜜糖汁脆炸雞翼：雖然係炸物但可能因為加咗蜜糖食落唔會覺得好熱氣，惹味嘅蒜香味加上香甜蜜糖🍯閨蜜勁鍾意，我食完一隻已經畀佢食曬成碟🤣蟹肉卡邦尼扁意粉：蟹肉份量都幾多，仲食得到鮮味🦀卡邦尼醬好creamy， 扁意粉掛汁有嚼勁，入面本身已經有柔軟嘅煙肉，再喺上面灑上香脆嘅煙肉，口感層次更加豐富😋