小王牛肉麵 (已結業)

行街見肚餓，經過呢度裝修好有特色，門口一個開放式廚房就比佢吸引左。 企係門口睇住師傅整理一盤盤精美別緻嘅野食，就同朋友忍唔住攞位試下。 星期日嘅夜晚，企係門口等嘅人好多，好彩都好快可以入去。香港地方細，租金貴 所以寸寸地方都要用到盡。呢度嘅裝修有別於普通嘅餐廳 有一種說不出嘅味道，可惜，美中不足嘅地方係枱同枱之間嘅距離太接近。所以，如果要同伴侶談情，同閨蜜傾心事，呢度就唔係幾適合喇。講返呢度嘅食物先，黎到一間台灣餐廳，當然要試下牛肉麵啦！ 雖然份量唔算多，但份量就岩岩好。 不過牛肉嘅份量算少.. 但味道很好，有牛肉嘅鮮甜，肉質不會太老。而且，湯嘅味道滲入了麵線。整體黎講都算係幾唔錯嘅牛肉麵。由於同朋友都非常中意食口水雞，所以見到餐牌有就忍唔住點左。雖然賣相唔錯，不過份量太少，辣味唔夠，的確有啲失望。不過，如果就腳又想食台灣野，小王牛肉麵都算係幾唔錯嘅選擇。