大澳德發 (已結業)

炮台山地鐵一上就見到對面有間新餐廳剛開，星期日走去試試午餐，午餐叫咗個瑤柱水晶雞飯，今日免費升級薏米水。一份午餐上枱，就從色、香、味呢啲基本要求講起色，睇張相嗰幾件碎雞，心裡問咗一個問題，「你想點？」。碎雞幾件，真係比對面大家樂差幾個level。香，餸本身無雞香，只有少許國內小瑤柱嘅香味，對無雞味嘅雞提升唔少。白飯爽口，喜愛白飯嘅不妨叫多碗。味，少許瑤柱味道，okay嘅。雞無雞味，飯爽口，正常。午餐個亮點係杯薏米水好足料，半杯薏米，愛吃薏米的你不妨襯免費轉飲品試下。整體個餐，餸唔得，飯正常，餐飲幾好。由於個餐以$55收費，性價比較低。希望店長日後提高食物質素。將來找個機再試。