西苑酒家 (太古城中心)

营业中

休息中

今晚同舊同事聚舊，我哋三個人叫咗個花膠杏汁燉豬肺湯，每人都有兩碗。湯料雖然算多但飲落無咩杏香味，應該磨得唔夠多南北杏，銀杏同豬肺都燉到好稔但豬肺食落去無咗彈性，花膠雞腳都算多但d湯又唔覺有膠質漿口，心理上養顏程度又大打折扣。 燒腩仔咸淡適中，燒皮都夠脆，不過肉質略為唔夠嫩，稍微乾咗少少。 上湯白菜夠清甜新鮮。 薑蔥爆蠔煲嚟時滾熱辣！呢個幾好味，薑蔥夠多d蠔完全無鯹味，芡汁濃淡剛好，d蠔唔算大隻，不過都有蠔甜味，如果能夠煎得個皮香脆d就更好。 海折頭夠大碟，調味帶點雞湯同麻油香味，不錯不錯！ 之後有紅荳沙同生果送， 味道尚可。 呢度價錢唔算平，食物水準似乎不及當年勇了，生意難做！