影片
更多
2016-07-28
309 浏览
裝修都幾雅致既Next Station令人有時代感， 而且都係一班後生仔營運。睇得出喺設計餐牌及食材方面下左心思。出品唔係抄製其他甜品店;呢樣好抵讚兼值得鼓勵。 一坐低先遞上一杯清水， 朋友暗中稱讚， 因好多甜品店無水供應。Next Station唔算闊落, 佢地既高枱係6位枱, 所以必定要搭枱既.我同朋友叫左士多啤梨乳酪雪糕芒果班戟 ($56)，紫薯窩夫雲呢拿雪糕 ($62) 及一個流心芝士撻 ($15)。 o係 facebook like Next Station仲有9折添 (無收加一). 我地梗係不甘後人, 即時行動啦.芒果班戟果肉十分鮮甜， 班戟內唔止有果肉及忌廉， 仲有朱古力脆粒令林林既班戟加多點質感，再加上一球我鍾意既士多啤梨乳酪雪糕， 配搭得宜又夠份量 。紫薯窩夫係紫薯夾係窩夫入面， 但窩夫仍然脆口。唔太甜， 因用紫薯感覺亦健康。另附蜂蜜及朱古力醬各一小碟，其實比兩樣有啲浪費。我提議落單時詢問客人要邊樣醬會好啲， 唔好嘥嘛！ 唔知Next Station用邊隻牌子既雪糕, 但就肯定唔係"牛X公司". 起碼都係"齋牙S", 或者咁上下既質素. 唔錯唷 .
一坐低先遞上一杯清水， 朋友暗中稱讚， 因好多甜品店無水供應。Next Station唔算闊落, 佢地既高枱係6位枱, 所以必定要搭枱既.
我同朋友叫左士多啤梨乳酪雪糕芒果班戟 ($56)，紫薯窩夫雲呢拿雪糕 ($62) 及一個流心芝士撻 ($15)。 o係 facebook like Next Station仲有9折添 (無收加一). 我地梗係不甘後人, 即時行動啦.
芒果班戟果肉十分鮮甜， 班戟內唔止有果肉及忌廉， 仲有朱古力脆粒令林林既班戟加多點質感，再加上一球我鍾意既士多啤梨乳酪雪糕， 配搭得宜又夠份量 。
紫薯窩夫係紫薯夾係窩夫入面， 但窩夫仍然脆口。唔太甜， 因用紫薯感覺亦健康。另附蜂蜜及朱古力醬各一小碟，其實比兩樣有啲浪費。我提議落單時詢問客人要邊樣醬會好啲， 唔好嘥嘛！ 唔知Next Station用邊隻牌子既雪糕, 但就肯定唔係"牛X公司". 起碼都係"齋牙S", 或者咁上下既質素. 唔錯唷 .
流心芝士撻($15). Ummmm......呢個流心芝士撻喊味較重芝士味反而幾淡口, 而且撻皮唔夠香, 一啖咬落去無比人一種芝士撻原有既風味. 好平凡, 平凡到好似食蛋撻咁. 所以我認為$15已經算貴, 而且頗細個, 我認為$10會較合理.
整體來講, Next Station既甜品做得算出色, 又有自家特色 . 加上定價合適, 而家like facebook 仲有9折; 我地平均每人$60一份甜品加半個撻. 我對呢度留有唔錯既印象, 一定會推薦比朋友及再來幫襯架.
张贴
