影片
更多
2018-09-16
434 浏览
依排碌facebook咁啱見到依間船長 - 泰國船麵工房。於是即刻擇個吉日去試一試。間舖應該開咗冇幾日，Menu都係用緊宣傳單張。地方唔算大，都有19~20張台，滿座嗰陣應該幾熱鬧。睇完menu，叫咗一碗招牌船長船麵，一碗珍寶船長，跟餐一碟油菜，一份炸雞翼，再加多枝青檸梳打。珍寶船長: 9/10，餸菜上又真係幾珍寶，芽菜，芫茜，牛丸，豬肉丸，豬膶，豬肉，蝴蝶腩+雞翼。整體每樣餸都唔錯，用料都新鮮。白麵份量如果以珍寶嚟講就比較少咗啲，以我嘅食量應該要on top加雙底先夠食。(順帶一提可以加底，5蚊一底。)湯底香甜，色水夠濃。#值得一提，調味料準備充足，魚露，酸辣汁，泰式辣椒粉。*如果有埋白糖會更加地道。調味一番之後味道拍得住喺泰國時食到嘅船麵，起碼有8成半相似，相當驚喜!(招牌船長船麵有嘅，珍寶都一樣有，所以唔多寫。)曼谷街頭炸雞翼: 9.5/10，雞翼一開二，食起上嚟好方便，上台時夠晒熱，即炸即上。炸得香脆可口，而且皮肉一樣醃得好入味，配埋泰式酸辣醬一流。*有大量芫茜做伴碟，鍾意食芫茜嘅就正。青檸梳打: 6/10，泰國用開嘅梳打水，再喺樽口放2小塊青檸，梳打汽太勁搶晒青檸味，如果可以
間舖應該開咗冇幾日，Menu都係用緊宣傳單張。地方唔算大，都有19~20張台，滿座嗰陣應該幾熱鬧。
睇完menu，叫咗一碗招牌船長船麵，一碗珍寶船長，跟餐一碟油菜，一份炸雞翼，再加多枝青檸梳打。
珍寶船長: 9/10，餸菜上又真係幾珍寶，芽菜，芫茜，牛丸，豬肉丸，豬膶，豬肉，蝴蝶腩+雞翼。整體每樣餸都唔錯，用料都新鮮。白麵份量如果以珍寶嚟講就比較少咗啲，以我嘅食量應該要on top加雙底先夠食。(順帶一提可以加底，5蚊一底。)湯底香甜，色水夠濃。#值得一提，調味料準備充足，魚露，酸辣汁，泰式辣椒粉。*如果有埋白糖會更加地道。調味一番之後味道拍得住喺泰國時食到嘅船麵，起碼有8成半相似，相當驚喜!
(招牌船長船麵有嘅，珍寶都一樣有，所以唔多寫。)
曼谷街頭炸雞翼: 9.5/10，雞翼一開二，食起上嚟好方便，上台時夠晒熱，即炸即上。炸得香脆可口，而且皮肉一樣醃得好入味，配埋泰式酸辣醬一流。*有大量芫茜做伴碟，鍾意食芫茜嘅就正。
青檸梳打: 6/10，泰國用開嘅梳打水，再喺樽口放2小塊青檸，梳打汽太勁搶晒青檸味，如果可以俾個青檸冰杯，再倒梳打水落去會更加好。
跟餐通菜: 5/10，份量都係5蚊咁上下。有些少醬喺通菜面，不過成碟菜都冇咩味道，相當清淡。
總括而言，味道份量都無得彈，係有些少美中不足。
鍾意食泰式船麵嘅你，一定要去大開食界!
张贴