時間: 晚上8時半
預訂: 有
於Openrice上無意發現這間與La Vache！一樣主打French Steak & Fries的餐廳。以為會好似La Vache！一樣好多人於是立即於Table Map上訂了當晚晚餐，而且剛好看到Openrice有8折 mobile coupon
。
雖然是晚上8點，但由畢打街行上雲咸街依然熱到想喊
。到達後發現大廈大堂裝修而且只有一部電梯於是決定再行三層樓梯。。。終於到達餐廳門口。
望入去發現少於10枱食客，環境很寬趟，燈光都好柔和。坐低睇睇 menu，除主打的steak & fries外還有其他主菜，不過我們一心來吃牛，所以沒有細心看其他的主菜便直接點了兩份steak and fries，一份medium，一份medium rare, 醬汁分開上。
點好後再認真望望周圍環境，其實好適合兩個人或幾個人慢慢傾計慢慢食，最主要係因為無坐滿人。
很快先來了一籃麵包及牛油。麵包看起來很硬，吃起來。。。都很硬，裡面只有很少一部份比較軟。而且那一塊牛油亦是硬的呀呀呀呀。。。。所以盡力只吃了一塊多一點點。 
接著是沙律，沙律菜還算新鮮，核桃都ok，不過醬汁對於我來說酸了一點。 
然後steak & fries 終於來啦，銀色碟上放好兩塊各砌成6件的牛排。待應會先將3塊放到你的碟上，再夾好多fries比你。然後另外3塊會於你快吃完的時候再給你，還會再加好多fries比你，如果你不拒絕的話。至於奶綠色的醬汁一般會直接「淋」上牛排上，不過我們要求分開上，因為怕會 「淋」得太多。 
先試下就咁吃牛，唔唔。。。medium的入口都幾軟同juicy，medium rare的更軟。雖然都有燒的紋，但就如之前的comment所說無咩炭燒既味道，定係佢其實唔係炭燒？！再試一下跟醬汁一起吃，唔。。。醬汁是creamy但同牛一起又並沒有個種「好夾呀」既感覺，就是「都ok啦」既感覺。薯條好脆都幾好味，但實在食唔到兩round咁多。
最後我分多咗一舊牛比他，因為想叫多個甜品。點了Paris Brest，因為我記得openrice食評裡有人提過。上來時很漂亮啊！將它分開的時候發覺夾住cream的餅（定Puff？）好軟，食落去好似有少少感覺「放咗有D耐喎」。但個cream其實幾滑又不會太甜，好可惜兩個人都食唔晒，因為太飽食淨少少。 
整體OK，最開心係餐廳唔太迫同嘈
。下次突然想食牛又無預先book枱都會考慮再來。但行斜路真係好熱。。。順帶一題這裡不收加一的。
