新牛屋餐廳 (已結業)

態度非常惡劣，今天第一次和男友去吃，$34一個餐，我飲左個賓治，加兩蚊，總共$70，再加一應該是$77，點知佢話要$78，我不明所以，便問佢點解係$78，跟住佢竟然好晦氣咁話：「咪話左凍飲加兩蚊，同埋有加一囉，仲問！」之後發脾氣走左去，連錢都唔收，跟住聽到佢叫個伙記過來收錢，仲話要忍我地，我地只係想問清楚，點知俾人發脾氣，冇下次，唔會再去！之後我地估佢係分開計加一，$34加一就收$38，明明自己計錯仲大聲夾惡，我一食完即刻開個account上來open rice寫，勁不滿，大家想受氣就去食啦！