度小月 (時代廣場) (已搬遷) 新店位置

因為「冇看廢鹽」，台灣封關。冇得去台灣吃喝玩樂。留係香港，想感受吓台灣感覺同回味一下台灣嘅味道。剛剛好係銅鑼灣。就去食渡小月啦。兩個人，叫左擔擔麵，擔擔米粉，皮蛋肉鬆豆腐，胡椒蝦同一杯飲品。唔知係咪因為係香港食，覺得兩碗擔擔麵/米，冇台灣味，連香港味都冇。可以話係冇味道，甚至係熱度都冇。個豆腐我食到好強嘅香港味，直頭見到香港味，冇錯，係百福嘅味道。至於個蝦。大細同味道都唔講啦。好有心思，應該係釀左d黑松露係蝦嘅背脊上。幾乎隻隻都有。可惜我唔好黑松露。唯有逐隻挑返出嚟。雖然用咗啲時間，但係冇因爲咁令到d蝦變凍。因為本身都唔熱，完全冇影響。多謝香港渡小月，佢令我更加想念台灣🙏🏼