泰式美食

营业中

休息中

红磡街坊同poly学生应该无人唔识呢间泰国菜，我都曾经都帮衬几次，但今日系第一次同个老板娘落单，绝对要打返个经历，劝世人唔好再支持啲无品无礼貌嘅老细今日五点几，门口得两个女仔等，我亦等呢位老细听完外卖电话，确定唔阻到人情况下极好声好气地问咗句所有叫外卖嘅人都会问嘅一句说话：「请问如果落单大概要等几耐？」，我后面个句「想order一个肉碎煎蛋饭」都未讲到，个女人特登用懒恭极但一听就知润人、极单单打打嘅语气应：「呀小姐，我就唔知道你要落啲乜野，答你唔到wor」然后就缩返头入玻璃到，根本唔俾机会个客去讲，而佢手头根本无野做，落闸摆明无兴趣做你一单外卖。间铺系openrice有过半嘅食评都系comment呢个女人态度问题都知咩料啦，知你生意好唔休做，亦唔介意几个人唔食你间嘢，你x惯，我都唔会expect你之后会似返个人咁同人讲嘢，祝你继续每日周到人俾你串同润，我亦会努力帮你宣传有你坐镇嘅呢间铺，红磡得你一间泰国菜咩，写出嚟系劝大家无谓贴钱买难受。