蛇王芬

营业中

休息中

呢間老店我食咗成十年，冇一次好似今日咁差，真係惱惱哋！ 叫咗個午市套餐，一碗燉湯，一個雙拼飯； 加咗個金銀蛋唐生菜同埋涼瓜牛肉飯。 果個雙拼飯來先：一條臘腸，幾塊白切雞，幾條菜心，擺係個細細哋嘅碗仔上。啲白飯溫溫哋，幾乎係凍嘅，果啲雞就完全凍嘅，凍到好似雪櫃入面啱啱拿出來咁，冇味道，又柴，呃人咩？ 條臘腸就正常，菜心又係凍嘅，唔知係幾時就淥咗擺係果到嘅。總之差到我都唔敢相信佢係真嘅。同夥計講咗，佢就拿返碗飯入微波加熱，但係廚師就話啲雞係室溫，凍咗係今日天氣涼。 涼瓜牛肉飯最起碼係熱嘅，但係味道都麻麻，牛肉好柴同埋有陣雪味，唔多好食；涼瓜又係好似淥咗好耐，不過總算味道正常。 金銀蛋唐生菜都唔錯。最好係個燉湯，鮮甜，夠熱，點解其他餸就冇呢種水準？ 店家好似冇曬心機咁，好鬼可惜，又少咗一間老店。另：食飯個碗仔係蹦咗嘅，缺口處好利，我朋友差啲整傷咗手指，好得人驚！