牛奶冰室 (愉景新城)

营业中

休息中

今日打風本身諗住食個豐富嘅早餐，就行咗去愉景新城食早餐，見到呢個牛奶冰室比對面嘅大家樂裝潢更加吸引，所以出於好奇心之下我就選擇食呢間牛奶冰室，見到個Menu有好多唔同嘅選擇，我認為呢間餐廳嘅感覺上唔錯，點不知平常在呢個茶餐廳會包埋嘅煎蛋，原來係需要另加$8先可以配，先有一個嘅半局流心美極煎雙蛋及蒜香牛油多士，同埋叫咗杯檸檬茶點知上到嚟就令我充滿驚喜，檸檬茶連檸檬都冇，不如唔好叫檸檬茶，它只是用一些檸檬汁來代替檸檬，令我非常失望，頓時令我懷疑人生。為何我不在便利店購買維他呢？加上茶底又冇味。同埋其同行嘅朋友叫咗杯凍奶茶，而呢杯凍奶茶係佢人生中飲過最難飲嘅奶茶，奶茶係完全沒有茶和奶的味道，我朋友質疑自己飲緊啲乜嘢。其次，他的伊麵口感好「一流」，「硬到十足」彷彿好似生食啲麵，令我回想到小學時期的劣食。收到個個流心蛋後同大家樂的煎雙蛋不相伯仲，但價錢方便卻被大家樂貴，令我對商場內的冰室失去信心。