影片
更多
2014-02-08
882 浏览
其實咁耐以嚟，經過好多次都冇入去食，今次見有團購coupon就諗住試下。一入去就問幾位，坐底仲即刻有水飲，點知我地一話係用團購coupon，即時笑容都廢事俾你咁。。。團購coupon到標榜0%service charge,但係佢話: "因為係新年期間，所以每人要加$7service charge,你地可以下星期先嚟，咁就唔洗俾。"我話本身話唔洗加就唔應該會突然加㗎喎！~佢:"我話下星期先嚟就唔洗俾呀！"咁即係趕客？！入左去唔通走咩，我都未答佢，就行走左去serve啱啱入嚟嘅大陸客。。小姐，我都未落完order，你走左去？！等佢行番過嚟，就好似急口令咁講我地知有咩嘢飲選擇，聽唔切問多次，佢竟然黑面！！！全店得兩張枱，就係我地同埋啲大陸人，明明我地落order先，人地前菜、小食、主菜、飲品都到齊我地先到左支波子氣水。。到人地咩都食完我地啲拉麵終於到。炸物都難食的話，就不宜在本港出現佢地話雞湯拉麵每日限賣50碗，用十幾個鐘煮嘅湯底、low fat外國雞肉、優質鮮雞蛋。但係我食到嘅係某牌子嘅"雞汁" 再加味精嘅湯底、雞皮佔60%嘅冰鮮雞、頭油蛋(?!)、又lam又似出前一丁嘅拉麵。。。枱面見到
一入去就問幾位，坐底仲即刻有水飲，點知我地一話係用團購coupon，即時笑容都廢事俾你咁。。。
團購coupon到標榜0%service charge,但係佢話: "因為係新年期間，所以每人要加$7service charge,你地可以下星期先嚟，咁就唔洗俾。"
我話本身話唔洗加就唔應該會突然加㗎喎！~
佢:"我話下星期先嚟就唔洗俾呀！"
咁即係趕客？！入左去唔通走咩，我都未答佢，就行走左去serve啱啱入嚟嘅大陸客。。小姐，我都未落完order，你走左去？！
等佢行番過嚟，就好似急口令咁講我地知有咩嘢飲選擇，聽唔切問多次，佢竟然黑面！！！
全店得兩張枱，就係我地同埋啲大陸人，明明我地落order先，人地前菜、小食、主菜、飲品都到齊我地先到左支波子氣水。。到人地咩都食完我地啲拉麵終於到。
炸物都難食的話，就不宜在本港出現
佢地話雞湯拉麵每日限賣50碗，用十幾個鐘煮嘅湯底、low fat外國雞肉、優質鮮雞蛋。
但係我食到嘅係某牌子嘅"雞汁" 再加味精嘅湯底、雞皮佔60%嘅冰鮮雞、頭油蛋(?!)、又lam又似出前一丁嘅拉麵。。。
枱面見到好傳統咁提供芝麻，用嚟放落拉麵到一齊食，但係啲芝麻出唔到，望下發現個出口壞左，所以就問佢地俾另一支我，點知佢竟然話"係你唔識用姐。"(下？！)佢攞左嚟話要示範俾我睇，當然一啲芝麻都冇出，佢就死撐"我地啲芝麻磨到好細，所以用肉眼係睇唔到。"(咩事？！我唔係大陸人唔該)
啲味精湯搞到好口渴，請佢添水又黑面，因為嗰枱大陸人走左之後，全場得番我地，所以我地唔走就俾面色我地睇。。。
咁嘅態度，新年溜溜都搞到冇晒mood，強烈見意大家唔好去食依間！！ ！
张贴
