影片
更多
2021-07-02
2563 浏览
同朋友讲开西餐，佢推荐了一间上环楼上西餐厅，食物质素相当好，食物可以比美酒店级level，而且价钱唔贵，我当然要去食下！一早book定枱，餐厅环境同卫生都好好！有2人套餐，6道菜，$498，其实好抵！今次我哋想试下唔同嘅嘢，点咗menu其他嘢。油醋面包有2款味，一个系原味，一个系加咗芝麻，几特别，面包好软熟，微微烘脆过！配汤食都好好！叫咗2只时令生蚝，好新鲜，几大只，爽甜，有啲海水味，不妨试下！有需要可以叫店员介绍餐酒，因为食生蚝，所以我哋都点咗2杯白酒！几易入口，唔错！头盘点咗个香煎鹅肝伴红酒烩梨，鹅肝煎到外脆内滑，整个口腔都有油香，烩梨煮到好稔好入味，甜甜的有酒香，正好可以中和鹅肝嘅油腻感！摆盘都好讲究，除咗有士多啤梨，碟上竟然有朱古力，好特别！牛肝菌杂菌忌廉汤菌味非常之香，偶尔间会食到微细嘅牛肝菌，好creamy，高质素嘅汤！西班牙红虾阔条面配海鲜浓汁听过朋友讲西班牙红虾好鲜甜，未试过，都唔系好多餐厅有得食，所以一定要试下！真系要大赞个海鲜浓汁！味道非常之浓厚，食得出系用咗好多虾壳淆制，所以特别鲜甜，每条扁意粉都食到酱汁！西班牙红虾肉质爽口弹牙！好好食！烧慢煮牛肋骨牛肋骨煎到外脆
一早book定枱，餐厅环境同卫生都好好！
有2人套餐，6道菜，$498，其实好抵！
今次我哋想试下唔同嘅嘢，点咗menu其他嘢。
油醋面包有2款味，一个系原味，一个系加咗芝麻，几特别，面包好软熟，微微烘脆过！配汤食都好好！
叫咗2只时令生蚝，好新鲜，几大只，爽甜，有啲海水味，不妨试下！
有需要可以叫店员介绍餐酒，因为食生蚝，所以我哋都点咗2杯白酒！几易入口，唔错！
头盘点咗个香煎鹅肝伴红酒烩梨，鹅肝煎到外脆内滑，整个口腔都有油香，烩梨煮到好稔好入味，甜甜的有酒香，正好可以中和鹅肝嘅油腻感！摆盘都好讲究，除咗有士多啤梨，碟上竟然有朱古力，好特别！
牛肝菌杂菌忌廉汤
菌味非常之香，偶尔间会食到微细嘅牛肝菌，好creamy，高质素嘅汤！
西班牙红虾阔条面配海鲜浓汁
听过朋友讲西班牙红虾好鲜甜，未试过，都唔系好多餐厅有得食，所以一定要试下！
真系要大赞个海鲜浓汁！味道非常之浓厚，食得出系用咗好多虾壳淆制，所以特别鲜甜，每条扁意粉都食到酱汁！
西班牙红虾肉质爽口弹牙！好好食！
烧慢煮牛肋骨
牛肋骨煎到外脆，因为用慢煮嘅关系，牛肋骨里面嘅肉仲保持到好多汁，嫩滑到不得了！唔使花太多力气就可以咬开，牛肉味好香，上面仲有好多芫荽，感觉好清新！
呢个份量，两个男仔都可以食到好饱！
西餐来讲质素真系几好，如果去酒店食都唔止呢个价钱，所以有时要食好嘢真系要俾啲心机去揾下！
张贴
