亞蘇爾 (形點) (已結業)

好開心最近元朗yoho mall開 咗食葡國菜餐廳， 唔使過澳門都可以食到葡國菜美食，我嘅至愛葡撻同豬扒包， 餐廳裝修 時尚簡約， 充滿澳門的感覺， 大卡位坐得舒適， 落地大玻璃光猛開揚， 環境一流 。豬扒包$72豬扒包分量十足， 外型吸引 ，豬扒即叫即製 ，豬扒巨型厚切 ， 大口咬下去，豬扒充滿肉汁， 嫩滑 juicy， 麵包烘得香脆，鬆脆可口， 配上新鮮蕃茄和生菜，口感更豐富， 加上香脆的熱呼呼薯條， 滋味停不了。藥膳雞湯米$78雞湯米放下來， 已聞到陣陣 當歸藥材香味， 雞肉分量多， 入口嫩滑 ， 米粉吸收了藥材 湯嘅精華 ， 更加滋味， 湯底滋補養顏， 一滴不漏全給我 喝乾了!經典葡撻$14一隻葡撻焗到金黃色，表面焦脆， 脹卜卜， 熱呼呼， 酥皮鬆脆， 充滿迷人牛油香味， 蛋香奶滑， 食完後滿口油香，戀戀不去。芒果柚子沙冰$53炎炎夏日飲芒果柚子沙冰， 冰爽消暑 ，好享受 ，入口充滿 迷人果香， 香甜美味， 仲有啖啖果肉 ，好回味。