樂天皇朝 (利舞臺廣場) (已搬遷) 新店位置

今日老細請食飯，黎到樂天王朝，係門口一望裝修好有氣氛，行暗黑系路線。首先叫左兩碟冷盤，李白醉雞同夫妻肺片，醉雞好滑，有酒香又唔會過濃，好食。夫妻肺片啲牛展夠大件有咬口，辣得黎又好香花椒味，幾開胃。嗌左一個小辣嘅水煮魚，一上枱嘅時候都有少少嚇親，成碗都紅當當，但好彩食落都唔太辣。不過入面魚片嘅份量比較少，薯粉同配菜大概佔左三分二，鍾意食薯粉嘅朋友都可以一試，因為啲薯粉索晒湯底嘅味道幾好食。聽講樂天王朝最出名係佢嘅小籠包所以我哋都帶咗一籠芝士味嘅試吓。初頭諗住會幾膩但估唔到都幾夾，佢入面包嘅係莫蘇里拉芝士，所以芝士味其實唔會太重之如亦多咗一份煙韌嘅口感。總結今次係一個唔錯嘅用膳體驗，環境好好店員亦都親切有禮，有機會會再光臨。