ZAKS (已結業)

睇openrice 介紹愉景灣個景咁靚, 又見呢間餐廳食評唔錯...就決定黎呢間。六點半去到...好多人..開頭就ok !! 點知...到七點幾個陣開始好多人...d 侍應就有d 手忙腳亂。我地見到幾 人等左好耐都冇野食...我地比較好彩...落單冇幾耐就上菜..頭盤: 海鮮串燒...有蝦, 帶子...同d青椒洋蔥。用料都幾新鮮...特別個汁好好食...好香!主菜: 牛扒伴薯蓉...黑椒汁!! 男友話牛扒ok, 但我就覺得太熟...冇肉汁...唔係太好。另一個主菜: 三文魚扒...個汁幾香,襯三文魚好夾! 塊三文魚熟得岩岩好...都幾大塊!!甜品: 朱古力蛋糕, 好好食!! 唔太甜...朱古力好香好滑。後話:本身都覺得d 野食唔錯...好可惜間餐廳管理好有問題!! 唔知佢地係咪未試過做咁多單...野食唔知邊, 又唔夠人手, 想搵個人落單都等成十幾分鐘。最大問題...八點半第二批客入座...但佢地又唔安排之前d 人埋左單離開先...又趕上菜, 落單同埋單都冇人理,搞到一場混亂。我地想埋張單都等成半個鐘!!如果佢管理得好d ...會仲好