金不換泰國餐廳 (已結業)

情人節既下晝，去到荃灣廣場，諗起呢間野，平日夜晚食好鬼貴，每人都二百幾三百，於是就諗住睇下lunch咩價錢。見到。。e..都ok wo.五十幾左右 。於是就入去試下我就叫左一個菠蘿海鮮炒飯 配椰汁冰，女朋友就叫左個香葉辣椒肉碎飯 配龍眼冰。 我個炒飯一黎到。。嘩。。成座山咁既樣，個份量真係多到呢。。有好多蝦、鮮尤、肉鬆、菠蘿同蟹柳，個炒飯炒得好香，好有菠蘿味，飯炒得夠乾身，粒粒分明，d炒飯連肉鬆一齊食。酸酸地加上肉鬆的口感同味道。味道更加突出，我記得夜晚食係好鬼貴， 而杯椰汁冰又好鬼解渴。而我女朋友叫果個肉碎飯份量都好大，一黎我見唔到白飯，因為d肉碎鋪滿晒，我試左幾啖，又係勁好味，肉碎本身配合辣椒同香葉一齊粉過。所以食落好香同埋辣辣地，連飯一齊食。味道好豐富。最後埋單連加一，$119。每人60蚊ja..仲要係假日係商場食，真係好抵。