緻 (已結業)

不知不覺原來下星期就係2月14日情人節！由於今年嘅情人節撞正「年初三」要忙煮賀年食物，所以我就提早慶祝响 「緻 Kushiyaki House &Bar」食咗我哋嘅情人節大餐喇！呢到環境氣氛同裝修都好有日本特色🇯🇵我哋就試咗佢哋嘅《情人節二人前 》；$248/位 （另一加服務費）。「火炙吞拿魚」配袖子醬汁🐟吞拿魚唔肥膩之餘配搭埋醬汁好醒胃。「刺身三點盛」🦐日本刺身帶子、甘蝦，挪威三文魚食熟食前一啲刺身加埋豉油同wasabi！「三文魚籽茶碗蒸」🥚個蛋好滑溜，加埋三文魚籽帶點咸鮮味，質感豐盈「串燒」 無骨雞翼、加拿大豬拖羅、日本小番薯及秋葵🍻師傅會因應不同食材配上鋪頭醬汁製作，雞翼同豬拖羅咬開時仲有肉汁噴出。而蔬菜類亦控制得好好、食落好鮮嫩！「松茶蟹肉茶漬飯」🦀茶漬飯係我比較喜歡食嘅飯款，貪佢似湯飯一樣食落唔會乾爭爭。而松葉蟹份量都幾多，食到呢度已經飽。「日本朱古力蛋糕」🍰蛋糕旁有雲呢拿雪糕配廚師特製嘅清酒野莓醬 ，個醬唔會偏甜，隱若會食到少少sake味，加埋一齊食都唔錯！响將軍澳出沒嘅朋友未諗到情人節食嘜都可以參考吓。另外佢哋平日都有set lunch，最平由$72 起就有：漬物、沙律、