駟馬拖車潮州飯店 (彩明商場) (已結業)

第一次與 honey 去將軍澳「駟馬拖車潮州飯店」飲潮式下午茶，一入內環境好清靜、座位寬敞、地方整潔、服務員的態度殷勤有禮，令人心情舒暢！😚打開菜單，發現頗多選擇，令我有些選擇困難症，於是揀了👇🏻一些廚師推介。【北菇滑雞扎】$35 ~ 北菇夠淋甜，魚肚爽滑，雞肉彈牙、加埋芋頭，味道豐富！👍🏻😋【韭菜滑豬紅】$48 ~ 韭菜爽脆，豬紅烹調得頗入味，滑得嚟又有咬口！👍🏻😋【潮式椒醬肉】$48 ~ 紅綠青椒配襯，賣相吸引，令人食慾大增，雖然醬肉稍為硬咗啲啲，但味道都算不俗！😊【海蜇手撕雞】$58 ~ 雞絲頗滑，但最吸引係海蜇及青瓜好清爽，配合一齊食味道非常夾！👍🏻😋【爆口义燒包】$18 ~ 雖然味道一般，但义燒餡料頗多，皮都算薄！😉以上價錢另收每位茗茶$10及加一服務費。