里的茶 (已結業)

天氣不似預期，明明就已經是冬天，但仍然好熱，經常去搵野飲舒緩一下口渴，口乾等不適。嗰日係香港仔行街，係香港仔中心食完個飯，見到有間飲品店大排長龍。呢間台式飲料店叫里的茶。原來新開張做嘅優惠，難怪吸引到咁多人，仲力度好大，買一送一。睇咗一下，好幾款都好吸引，買一送一，咁就即係要買兩杯啦。最反叫咗呢兩杯。原來另外仲有支裝茶，唔駛等佢手搖調配。另外工作枱開揚，睇住佢整，飲起身更有信心。密瓜芝芝冰茶，甜度啱啱好。都幾清新。西柚凍頂烏龍茶，呢杯睇佢整，真係好真材實料，西柚都有好幾片，呢杯俾咗個同事飲，佢都話非常唔錯。