影片
更多
2015-11-03
488 浏览
小新終於要踏入2字頭啦。愛麗絲預備左好多好好既驚喜俾小新，雖然小新女衰咁撞破左其中一個，不過真係好想籍此同佢講聲多謝,同I Love U 好~~去番正題先，我地晚餐就去左一間大角咀好出名既一間西餐廳，叫做金船長 鋪位旺中有靜，唔會太過噪或者太多人!! 大約晚上7點幾，去到個度啦，好彩有book左位先，如果唔係真係冇位~~鋪頭暗暗地,幾有情調，而且枱之間既空位都好足，坐得好舒服!一入坐，待應就好熱心介紹佢地既餚菜俾我地知啦。最後，我地就叫左兩個晚市套餐,加埋一個好受歡迎既得獎黑松露pizza，同埋兩個甜品。好快就上左個黑松露pizza，果然係名不虛傳，一放上枱面，芝士同黑松露既香氣真係香氣四溢，聞到就即刻食左兩啖 黑松露pizza個皮好脆身,但又唔會太過多粉，Pizza入面有好重既芝士味，好甜,好好食，不過食多兩落就可能會有啲膩膩地 所以，餐廳就建議左兩種既食法, 一係將啲香菜夾埋係pizza度一齊食;或者係沾小小提子汁，兩種食法都可以減少芝士既甜味，帶出一種清新既感覺金船長每日都會提供一啲特色餐湯，我地分別叫左個清鴨肉湯同埋簿荷忌廉湯。清鴨肉湯相對有少少似中式湯，鴨肉唔算叫做好突出
好~~去番正題先，我地晚餐就去左一間大角咀好出名既一間西餐廳，叫做金船長 鋪位旺中有靜，唔會太過噪或者太多人!! 大約晚上7點幾，去到個度啦，好彩有book左位先，如果唔係真係冇位~~鋪頭暗暗地,幾有情調，而且枱之間既空位都好足，坐得好舒服!
一入坐，待應就好熱心介紹佢地既餚菜俾我地知啦。最後，我地就叫左兩個晚市套餐,加埋一個好受歡迎既得獎黑松露pizza，同埋兩個甜品。
好快就上左個黑松露pizza，果然係名不虛傳，一放上枱面，芝士同黑松露既香氣真係香氣四溢，聞到就即刻食左兩啖 黑松露pizza個皮好脆身,但又唔會太過多粉，Pizza入面有好重既芝士味，好甜,好好食，不過食多兩落就可能會有啲膩膩地
所以，餐廳就建議左兩種既食法, 一係將啲香菜夾埋係pizza度一齊食;或者係沾小小提子汁，兩種食法都可以減少芝士既甜味，帶出一種清新既感覺
金船長每日都會提供一啲特色餐湯，我地分別叫左個清鴨肉湯同埋簿荷忌廉湯。清鴨肉湯相對有少少似中式湯，鴨肉唔算叫做好突出，不過就好清淡，飲落口好鮮，好開胃~~
簿荷忌廉湯就唔會太希或者結身，而且簿荷同忌廉都好配合，比平時普通既簿荷忌廉湯更香同美觀
主食方面，就先介紹小新既主食~~ 就係10安士西冷牛扒，嗌左6成熟，切開唔見有血水，肉身好厚，好好食，唔會太過老身~~肉味好重，完全冇冷鮮味
愛麗絲就叫左個香煎三文魚同比目魚，另加細既鵝肝 三文魚同比目魚都煎到好正，帶出到魚既香氣，魚肉仲可以保持嫩滑同唔會散晒，真係超好食
鵝肝就好足料，分量好正，不過因為小新唔多鍾意食鵝肝，所以就
食到飽飽地，梗係要食埋個甜品，先夠滿足啦小新要左個心太軟朱古力布甸，外觀同個佈碟真係超正，泡心既朱古力好濃，雪糕同木槺既配合都特別，份量剛好。
愛麗絲要左個好考功力既金船長朱古力味梳乎里，焗到脹呼呼真係好吸目，啲蛋軟軟的，好重朱古力味，食到停唔到口~~~
btw, 呢間餐廳食物質素好好;而且服務好熱情，可以既話，一定會再幫襯张贴
