老總廚房

营业中

休息中

每逢假日都想訓晏d，所以都會選擇食brunch😋加上而家夏天到喇，天氣反覆無常，一係就曬到出斑，一係就落大雨，所以都係揸車方便d！近排都中意去爾聯果邊食，泊車好方便👍🏻今次試下新既餐廳，試下d set lunch😆個set包餐湯，餐飲同一個主菜。羅宋餐湯，質感比較浠，勝在味道甜甜地，少少酸尾尾，幾開胃。主菜叫左一個冬陰公大蝦扁意粉，個汁辣辣地，幾好味。唯獨d蝦係蝦仁，口感麻麻，不過整體配合得幾好食。另外，個牛扒意粉見好多人叫，我地都叫左黎試。附送小小沙律，啱曬d想食得健康既人。味道不過不失，有黑椒汁配合，唔合太乾。