Mr. Crab by The Captain's House (已結業)

喺灣仔想靜靜地食lunch 然後諗起 ❥⧽Mr. Crab by The Captain's House ❥⧽, 餐廳充滿海洋嘅感覺, 樓梯側邊嘅馬賽克牆真係好靚, 環境好舒適。𓊈法式紅酒燴牛面頰配意大利拖鞋麵包 $𝟙𝟟𝟝𓊉見到2 種溶曬嘅芝士已經心心眼, 即刻有一秒後悔無揀配飯, 不過麵包都好香脆, 蘸點個醬汁都好好味, 醬汁充斥濃濃嘅紅酒味, 牛面頰燴得好軟腍, 而且份量唔少, 裡面仲有薯仔同紅蘿蔔, 估唔到都幾飽幾滿足。𓊈柚子汁蟹肉扁意粉 $𝟙𝟞𝟠𓊉柚子味好清新, 配蟹肉真係好好, 完全可以帶出蟹肉嘅鮮味, 蟹肉一梳一梳咁掛上扁意粉, 車厘茄同青瓜粒令到整體感覺更 fresh, 好好食!𓊈是日餐湯 ✧ 椰菜花湯𓊉椰菜花湯好 creamy, 裡面有椰菜花碎增加口感, 配埋個脆卜卜嘅包真係唔錯!𓊈凍檸茶𓊉檸檬茶正常發揮。✧✧ 整體食物飲品都好好, 環境又舒服寧靜, 位置都幾方便, 值得推介。