無邊 (已結業)

銅鑼灣希雲街一向多隱世餐廳，之前一直有留意呢間No Boundary餐廳，今日終於趁平日lunch同朋友去食，午餐有lunch menu ,包餐湯，主菜同飲品，而飲品仲可以用套餐價轉為特色飲品。餐湯係蘑菇湯，用個杯裝住好得意，我朋友話不用湯羹可以直接飲好方便！蘑菇湯口感軟滑，仲有粒粒蘑菇蓉。✦至尊-無邊全天早餐 $128(挪威煙三文魚,德國煙燻香腸,牛乳炒蛋,雙份楓糖煙肉,波特菇,茄汁焗豆, 蕃茄,牛油粟米,沙律菜, 牛角包)我最鍾意食All Day Breakfast,呢度嘅all day仲有Deluxe份量🤩賣相好精緻，色彩繽紛！煙三文魚卷成一朵玫瑰花🌹好吸睛🤩牛乳炒蛋又香又滑，仲有蛋汁😋沙律菜好新鮮，牛角包🥐鬆軟，份量好多，啱晒兩個人分享，幾抵食！✦菠菜汁雜菌意大利飯配波特菇 $88每一粒意大利飯被菠菜汁滿滿包圍，口感好creamy，而且入面加左海量嘅雜菌，食落更有咬口，口感層次更豐富。✦台式水果風味茶-芒果（套餐+$12）朋友話呢杯水果茶好好飲，茶味香濃。✦冰凍Oreo朱古力奶（套餐+$18)呢杯Oreo 朱古力奶賣相💯上面仲有大大pat忌廉係好軟滑，可惜朱古力味較淡。