Outback Steakhouse (屯門市廣場1期) (已結業)

Outback扒房既質素一向都有保證，響小編眼中佢同Mr. Steak既質素都係不相伯仲，真係好視乎自己身處所在地既選擇邊間。響屯門市廣場既西餐扒房，相信都係以Outback最為出名。響2樓既中庭行入少少，由Uniqlo望過去，離遠就會好輕易咁見到Outback大大既招牌響門口。可能已經下午1點半既時間，所以人流上比較少而不需排隊即可入座。入座前都見到是日午餐餐單，有平有貴，視乎大家預算及希望食到扒類既質素而定。 本身每個午餐都包括大受歡迎而免費既黑糖麵包﹑是日餐湯﹑飲品。近排比較少食扒房關係，都係忍唔住點了澳洲MB3+和牛西冷牛扒，雖然價錢較貴但和牛西冷應該都值得既。10安士既牛扒上碟時仍然保持住佢既肉汁，切出黎幾乎無任何筋脈，令小編食起黎好舒服。而和牛西冷比較幼滑既一面亦可以因應5成熟，保持牛肉原本既鮮肉感而品嘗到。同時薯條剛巧係新鮮炸既一批，所以香脆得黎好滿足!服務方面可能Outback非常重視，故此經常都會有唔少員工經過自己張枱送餐﹑執枱﹑討論公事等，最緊要有需要而舉手個刻都會即刻有人走到枱前詢問，響今次用餐既體驗上都係深刻既。