意粉屋 (已結業)

趁住假期, 難得同屋企人可以齊齊整整食餐午飯, 師傅當然好鬼開心啦; 而今次竟然冇揀到酒樓, 地點竟然係呢度, 師傅當然有d意外啦, 不過亦希望可以有個美滿回憶!入到去人唔算特別多, 一坐底就即刻睇下有咩野食, 最後三個人要左一個午市套餐, 同一個二人套餐! 兩個餐都有餐包, 餐湯同餐飲, 二人套餐就揀左煙肉腸仔蘑菇意大利粉同埋一個六吋嘅迷你薄餅(超級什錦); 而午市套餐就有挪威煙三文魚沙律, 主菜就揀左小龍蝦蛋炒飯!先講下個餐湯, 餐湯係忌廉蘑菇湯, 味道都幾奶下, 師傅就唔算太鍾意, 不過蘑菇都幾鮮, 幾好啦; 而蒜蓉包就腍左少少, 不過味道都幾香, 可以啦; 煙肉腸仔蘑菇意大利粉配上白汁, 料都算幾多, 而白汁又唔算膩, 意粉唔會硬, 口感唔錯, 得喎; 迷你薄餅反而冇咩特別, 最特別係伴碟竟然配上熱浪薯片, 師傅覺得幾得意; 挪威煙三文魚沙律嘅水果鮮甜, 煙三文魚得一大塊, 不過煙得都幾香, 加上唔黏口, 味道唔錯; 而小龍蝦蛋炒飯算炒得幾乾身, 龍蝦汁非常香, 而龍蝦仔又夠爽口, 頗新鮮, 掂呀! 餐茶就一般, 不值一提!總括黎講食物質素令人滿意, 環境絕對舒服, 而服務態度